do ashq meri yaad mein bahaa jaate to kya jaata
chaNd kaliyaaN laash par bicHaa jaate to kya jaata


aaye ho mayyat par sanam ooDh kar naqaab tum
agar ye chaand ka tukda dikhaa jaate to kya jaata


poochte the log tumse kiska hai janaazaa yeh
marne waala kaun tha bataa jaate to kya jaata


sabke saamne merii ulfat ko ruswaa kar diyaa
nazar ki talKhii_yaaN ,cHupaa jaate to kya jaata


har zakhm ne mere tumhe diiN haiN duaayeN umr bhar
haye, ik baar seene se lagaa jaate to kya jaata


tumko yaad karte-karte jaan de di "Arsh" ne
ikk chiraag hi mazaar par jalaa jaate to kya jaata !